Neroca an kal zel

Aizawl FC coach hlui Manuel Retamero Fraile enkawlna hnuaia khel Neroca-in Indian Arrows laka hnehna chang turin harsatna an tawk lo a, an mikhual team hi 3-0 in an hneh.

Khuman Lampak Main Stadium, Imphal-a inkhelah hian Manipur club tan Katsumi Yusa, Felix Chidi Odi leh Malemngamba Meitei te chuan goal khat ṭheuh an khung a, Indian Arrows lamin a chhanletna tur an nei lo.

Neroca hian Arrows hma hian Shillong Lajong chu 2-1 in an hneh tawh bawk a, match hnuhnung paliah vawi thum hnehna an chan avangin table-ah pahnihnaah an inhlangkai nghal.

Vawiin tlai dar 5:00-ah I League inkhel pakhat a awm dawn a, match hnuhnung pathuma tlawm vek East Bengal chuan Gokulam Kerala an mikhual ang.

Team Dinhmun
# Team P W D L GF GA GD Pts
1 Chennai City FC 7 5 2 0 16 9 7 17
2 NEROCA FC 7 3 2 2 9 6 3 11
3 Minerva Punjab FC 7 3 2 2 6 5 1 11
4 Churchill Brothers 6 2 4 0 10 5 5 10
5 Real Kashmir FC 6 3 1 2 4 3 1 10
6 Gokulam Kerala FC 6 2 3 1 9 7 2 9
7 Mohun Bagan 6 2 3 1 7 7 0 9
8 Quess East Bengal 5 2 0 3 8 7 1 6
9 Aizawl FC 7 1 2 4 8 11 -3 5
10 Shillong Lajong FC 7 1 1 5 9 16 -7 4
11 Indian Arrows 6 1 0 5 2 12 -10 3