Chennaiyin an tlawm leh tawh
Indian Super League champion lai Chennaiyin an chak hleithei lo a, Ningani zan khan an mikhualna ramah Mumbai City chu 0-2 in an ngam lo.
Maharashtra club tan Raynier Fernandes leh Modou Sougou ten goal khat ve ve an khung a, South Indian club lamin a chhanletna tur an nei lo - Jeje Lalpekhlua chu bench lamah dah tluan a ni.
Mumbai hian goal hnih an khung bakah Sougou leh Andrea Orlandi te chuan crossbar an tih per ve ve a, an vanneih ṭum ni se goal hnih aia tam zawk an khung hial ang.
Chennaiyin tan Laldinliana Renthlei leh Isaac Vanmalsawma te chuan inkhel bul an ṭan a, Zotea Ralte leh Jeje chu bench-ah dah niin Jerry Lalrinzuala hmel hmuh tur a awm lo.
Zaninah Indian Super League khelh chhunzawm tur a ni a, NorthEast United chuan dar 7:30-ah ATK mikhualin Bengaluru FC chuan Pathianni zan dar 7:30-ah Mumbai City an mikhual ve bawk ang.
Team Dinhmun
# Team Pld W D L GF GA GD Pts
1 Bengaluru 9 7 2 0 16 7 9 23
2 Mumbai City 10 6 2 2 13 10 3 20
3 NorthEast United 10 5 4 1 15 9 6 19
4 Goa 9 5 2 2 22 14 8 17
5 Jamshedpur 11 3 7 1 19 13 6 16
6 ATK 10 4 3 3 10 10 0 15
7 Kerala Blasters 10 1 6 3 11 13 -2 9
8 Chennaiyin 11 1 2 8 12 21 -9 5
9 Pune City 10 1 2 7 9 21 -12 5
10 Delhi Dynamos 10 0 4 6 9 18 -9 4
*Nizana Kerala Blasters leh Pune City inkhel result a zirin table hi danglam leh thei a ni.