Zaninah Copa Libertadores final

Ruah sur nasa vangin inkhelh hun sawi tlai a ni tawh a, fans lam buaina vang­in ṭum hnih ngawt sawn hlat a nih hnuah zanin dar 1:00 hian Copa Libertadores final chu Real Madrid khelmual Bernabeu Stadium-ah khelh a ni dawn.

Boca Juniors leh River Plate te hi first leg-ah 2-2 in an inhnehtawk a, River Plate team Bus beih a nih avangin second leg an khelh hun hi ṭum hnih an sawn tlai tawh a, tunah chuan Argentina a-ṭanga mel 6,000 zeta hlaah an khelh a ngaih phah ta a ni.

Buenos Aires derby hi a brouak a sang ṭhin a, fans lamah buaina pawh a chhuak nasa ṭhin hle. Hei vang hian mikhual team zawkin fans an nei thei ngai lo a, zaninah pawh mikhual team zawk Boca Juniors fans chu Spain-ah an hmel hmuh tur a awm thei dawn lo.

Boca Juniors forward Car­los Tevez chuan, "Kan inkhelh­na tur hmun hi a danglam deuh a ni mai thei, chutih­rualin a pawimawh ber chu Madrid-a inkhelh tur hi a ni. Mipui lam tan chuan a eng emaw zawng tak chuan a ngaihnawm mai thei, player tan erawh hriat­thiam a harsa dawn," a ti.

Kum 127 hnuah he inkhel hi ngaihven a hlawh zual ber kum nia ngaih a ni a, ram pawna an khelh tur hian chanchin a ngah phah zual. Manchester United leh Manchester City tana khel tawh Tevez chuan, "A harsa dawn a, a khawharthlak hle bawk ang. Mahse, Copa Li­ber­tadores final a ni tih kan hre reng tur a ni ang," tiin a sawi.