Alcaraz a invawrh sang

Association of Tennis Professionals (ATP) chuan ranking thar an ti chhuak a, tun hnaia Miami Open champion Carlos Alcaraz chu a sang zual 11 zingah a invawrh kai - an hmaa player awm panga ngawt a zuan khum.

Kum 18 mi Alcaraz hian season a hmang ṭha, player ṭha Casper Ruud hnehin tennis a khelh hun chhunga a nomawi hlu ber a hlawh chhuak. A hmaa awm Cameron Norrie nen an inkarah point 29 bak a awm lo.

Number 1 erawh Novak Djokovic a la ni chhunzawm. Serbian star hi kuminah inkhel tam lo mah se, a elpui ber Daniil Medvedev a che ṭha tawk lo. Russian star hian number 1 ni turin Miami Open semifinal thlen a mamawh a, mahse a tihlawhtling thei lo a ni.