Lucknow-in Hyderabad an hneh

Thawhṭanni zan Indian Premier League inkhelah Lucknow Super Giants-in Sunrisers Hyderadbad chu 12 runs in an hneh. Dr. DY Patil Sports Academy, Navi Mumbai-a inkhelah Lucknow-in 169/7 runs an siam a, Sunrisers-in 157/9 chauhin an chhanglet.

Ṭhumvawrah Hyde-rabad an chak a, vawm hmasak an thlang. Lucknow captain KL Rahul-a'n 68 runs a siam a, Deepak Hooda-a'n 51 runs a rawn belh a, batter dang an che ṭhat loh avangin target-ah 170 runs chauh an chhawp thei. Hyderabad bat hun a thleng a, bul an ṭan chhe lo.

Amaherawhchu Lucknow bowler Avesh Khan-a'n wicket li (24/4) a la a, Jason Holder-a'n wicket thum (34/3) la ve bawkin Hyderabad batter zingah run siam tam fal an awm lo. Over 20-ah Sunrisers-in wicket kua an hloh hman a, 157 runs chauh an siam theih avangin match hnih an khelh tawhah an la chak lo ve ve.

Zanin dar 7:30 hian Kolkata Knight Riders leh Mumbai Indians te Maharashtra Cricket Association Stadium-ah an inkhel ang.