TT Day pualin luang chhuak

Mizoram Table Tennis Association (MTTA) chuan chuan nimin khan, khawvel hmun dangte rualin World Table Tennis Day an hmang a, pawisa leh thil dang an thawhkhawmte hmangin ṭanpui ngaite tan an luang chhuak.

MTTA hian tun hnaiah Pathian malsawmna an dawn nasat thu an tarlang a, Mizo mipuite puihna an dawn nasat avangin lawmthu sawi let ve chu an tih tur a nih thu an sawi. Khawngaihna In, Chite Vengah Rs 50,000 an hlan.

Ṭanpuina an pek bakah MC Hall, Durtlangah lawmna hun an hmang a, men's singles number 1 Jeho Himnakulhpuingheta leh women's singles number 1 Lalthansangi Sailo, Techmaze TT Club, Mission Veng te hnenah citation leh sumfai an hlan bawk.

Table Tennis trainer - Lalngai-natawma, Tuikhuahtlang, R. Lalzuiliana, Serchhip leh F. Lalbiaknunga, Tuipui D te hnenah MTTA chuan chawimawina (Letter of Appreciation) leh sumfai an hlan bawk a ni.