Second round-ah Sindhu leh Srikanth

Korea Open Super 500 badminton tournament-ah PV Sindhu a chak a, nimina mipa singles inkhel lamah Kidambi Srikanth pawhin a khingpui hnehin second round a inhlangkai ve bawk.

Palma Stadium-a inkhelah Olympic medal vawi hnih la tawh Sindhu hian Lauren Lam chu 21-15, 21-14 in a hneh. Srinakth-a'n a hmaa ding world number 35 Daren Liew chu 22-20, 21-11 in a su tlang bawk a ni.

Hmanni lawka Swiss Open title latu Sindhu-i'n a match lehpekah Aya Ohori a hmachhawn dawn. Seeded pangana Srikanth-a'n Israel player Misha Zilberman a hmachhawn ve leh thung ang.