Nagelsmann-a'n Freiburg thutlukna a hrethiam lo

Kar liam ta Inrinni zan khan Bayern Munich-in Freiburg 4-1 in an hneh a, Bundesliga inkhelah hian Bavarians-in second 17 chhung player 12-in an khel.

Fourth official-in substitution board-ah number a tarlang sual a, Kingsley Coman chhuak loin khelmualah a awm rei phah. Thil thleng avangin Freiburg hi an zualko a, thiam an chang a nih chuan point thum an hmu thei dawn.

Bayern manager Julian Nagelsmann chuan,"Mimal tak chuan Freiburg thutlukna hi ka hrethiam lo. Kei chuan ka ti dawn lo a, club pawh ti lo turin ka hriattir ang," tiin a sawi.

Court thutlukna hi tunkarah a chhuah beisei a ni a, German football danah chuan player 12 khelhtir hremna chu chak lo zawka puan leh inkhela an point hmuh chhuhsak a ni.

Freiburg hi table-ah panganaah an awm mek a, match 28-ah point 45 hmuin season tharah Champions League an khel pha lo a nih pawhin Europa League khel turin an dinhmun a ṭha.

Nagelsmann chuan, "Second 17 chhung khan goal hnih an khung lo ang. Khelmuala an hlawhchhuah ni miah loin Europe-ah khel ta se, an lawm ang em, tih hi ka rilruah a awm. Ka thlirnaah chuan thutlukna pakhat chauh a awm thei a, mahse thutlukna siamtu tur ka ni si lo," tiin a sawi.