Bangalore an chak zawn

Royal Challengers Bangalore-in an match hmasa bera Punjab Kings an hneh loh hnuin Kolkata Knight Riders leh Rajasthan Royals te an hneh. Thawhlehni zan inkhelah Rajasthan-in bat hmasain 169/3 runs an siam a, Bangalore-in 173/6 runs a chhangletin wicket liin an chak.

Wankhede Stadium-a inkhelah Bangalore ṭhumvawrah an vannei a, vawm hmasak an thlang. Royals tan Jos Buttler leh Shimron Hetmyer ten thi loin 70 leh 42 runs an siam a, target atan 170 runs an chhawp.

Royal Challengers opener Faf du Plessis (29) leh Anuj Rawat (26) te an che chhe lo a, middle order an talbuai hnuah Shahbaz Ahmed (45) leh Dinesh Karthik (44*) ten an chakpui.

Zanin dar 7:30 hian Lucknow Super Giants leh Delhi Capitals te Dr. DY Patil Sports Academy, Navi Mumbai-ah an inkhel ang.