Zaninah MPL U18 Kick Off

Mizoram Premier League Under 18 (2021-2022) chu April 12-30, 2022 chhung hian Lammualah khelh a ni dawn a, zanin hian Vaivakawn YMA Hall-ah Mizoram Youth Commission chairman Dr. Vanlaltanpuia'n a kick off ang.

MPL kum bithliah inelna hi Covid-19 hrileng vangin kum hnih chhung neih theih a ni lo a, kuminah Mizoram Premier League khelh theih ni lo mah se Under 18 erawh khelh theih a ni dawn.

Hri leng vanga football inelna lian tham tun hnaiah a awm theih meuh loh avangin MPL Under 18 hian ngaih hlut a hlawh hle. MPL club hrang hrangin player thlan nan trial an ko a, naupang 500 bawr velte an kal a ni.

Tun season MPL Under 18-ah hian tea pariat an tel dawn a, chung team-te chu Aizawl FC, Chanmari FC, Chhinga Veng FC, Electric Veng FC, FC Bethlehem, FC Chawnpui, FC Venghnuai leh Mizoram Police FC te an inel ang.