India hmaah South Korea

Mizo player pathum - Lalremsiami Hmar, Lalrindiki leh Marina Lalramnghaki telna India chuan vawii chhun dar 12:30 hian South Korea an hmachhawn dawn; 2022 Women's FIH Hockey Junior World Cup quarterfinal inkhel hi a hmuhnawm ang.

India hian pool match-ah Wales, Germany leh Malaysia te an hneh vek a, hmahruaitu ni chungin quarterfinal hi an lut. South Korea erawh pool C aṭanga tlang an ni a, vawi khat chauh chak chungin an tlang.

Kolasib nula Remsiami chuan, "South Korea hi kan huphurh hran lo, kan game pangngai kan khelh theih chuan kan hneh theih kan beisei," tiin Vanglaini a hrilh a, semifinal luh theih ngei an beisei.

Thenzawl Hockey Training Center aṭanga inzir chhuak player pathum hi India tan player pawimawh an ni vek a, vawiinah pawh hmun pawimawh an chang leh ang. An khelh tawh chinah Mizo player an la tel zel a ni.

Quarterfinal Fixtures
April 8, Zirtawpni
India 12:30 PM South Korea
Netherlands 2:45 PM South Africa
England 7:15 PM United States
Argentina 9:30 PM Germany

India - Group Match
India 5 - 1 Wales
IND: Lalremsiami Hmar 4'; Lalrindiki 32', 57'; Mumtaz Khan 41'; Deepika 58'
India 2 - 1 Germany
IND: Lalremsiami 2'; Mumtaz Khan 25'
Malaysia 0 - 4 India
IND: Mumtaz Khan 10', 26', 59'; Sangita Kumari 11'