Russian player dinhmun a chiang lo

Wimbledon atan Russian tennis player-te dinhmun a chiang lo mek. United Kingdom sorkar thuneitu lamin Russian player hi inlan lo se an duhdan a ni a, tennis thuneitu lam erawhin inlan turin kawng an siamsak thung.

All England Lawn Tennis Club chuan Russian leh Belarus player-te chu inlan se an duh a, chutihrualin an ram aiawh ni loin neutral player ni chunga inlan turin an ti thung, thutlukna chu May thla laihawlah siam fel a ngai dawn.

Russia-in Ukraine a run avangin team inelna huangah chuan tel an phal lo a, tunah hian hrem an tawk mek. Mimal inelnaah erawh an duh duhna hmunah an la tel thei. Wimbledon hi khelh an phal lo a nih chuan Grand Slam zingah hrem an tawhna hmasa ber a ni ang.

Russian player inlan an phal lo a nih chuan, mipa world number 2 Daniil Medvedev chu tel thei lo langsar ber a ni ang. Wimbledon hi June 27 aṭanga July 10 chhunga khelh tur a ni.