Bengaluru leh Mumbai inhnehtawk

Mumbai City chuan minute 30 chuang player kim loin an khelh ngai mah se ISL hmahruaitu Bengaluru an inhnehtawkpui a, an mikhualna ramah 1-1 in an ṭin.

Bengaluru hian minute 23-na lekah Udanta Singh hmangin goal hmahruai an khung a, mahse minute 31-naah Mumbai tan Modou Sougou chuan an si phurh a sut zui.

Team pahnih inhnehtawk vang­laiin Mumbai midfielder Sehnaj Singh chu minute 51-naah a yellow card pahnihna a hmuh avangin hnawhchhuah a ni a, Benga­luru hi chak mai tura beisei an ni.

Mahse, South Indian club-in an beisei ang goal an zawng hmu thei bik lo a, point insemin team pahnih an ṭin a ṭul ta a ni.

Zanin dar 7:30-ah ISL inkhel pakhat a awm dawn a, Pune City chuan FC Goa an mikhual ang.

Team Dinhmun
# Team Pld W D L GF GA GD Pts
1 Bengaluru 10 7 3 0 17 8 9 24
2 Mumbai City 11 6 3 2 14 11 3 21
3 NorthEast United 11 5 5 1 15 9 6 20
4 Goa 9 5 2 2 22 14 8 17
5 Jamshedpur 11 3 7 1 19 13 6 16
6 ATK 11 4 4 3 10 10 0 16
7 Kerala Blasters 11 1 6 4 11 14 -3 9
8 Pune City 11 2 2 7 10 21 -11 8
9 Chennaiyin 11 1 2 8 12 21 -9 5
10 Delhi Dynamos 10 0 4 6 9 18 -9 4