MCL fixture a chhuak

Tualchhung cricket inelna lian Mapuia Memorial Mizoram Cricket League fixture a chhuak a, inelna hi April 11, Thawhṭanni aṭangin Suaka Cricket Stadium, Sihhmuiah khelh ṭan a ni ang.

MCL 2022-ah hian team paruk ten round 10 inelna an hmachhawn dawn a. League round-ah vawi hnih ṭheuh an inkhelh hnuah, a sang pahnihten semifinal an khel ang a, ruahman dan chuan April 30-ah final an khel dawn.

Inbuatsaihna a kal chho mek zel a, Ningani khan Aijal Club-ah match referee, umpire captain-te leh manager te ko khawmin briefing mumal tak neihpui an ni. MCL hi live-in LPS-ah a en theih dawn. Internet kaltlangin Fancode app aṭangin awlsam takin a en theih bawk ang.

CAM hnuaia first division inelnaa a sang pali - Ramhlun Venglai, Chhinga Veng, Chanmarians leh Kulikawn te bakah team hmunawl pahnih leitu Bawngkawn South leh Luangmual te an inel dawn a ni.

Kumin inelnaah hian lawmmanah cheng nuai ruk sem chhuah a ni dawn. MCL governing board chuan team tinte hi jersey thar a tumsak vek bakah, an inkhelh huna an ei leh in tur zawng zawng a tumsak bawk ang.

MCL Fixtures
April 11, Thawhṭanni - Round 1
Kulikawn 09:00 AM Ramhlun Venglai
Chhinga Veng 01:00 PM Luangmual

April 12, Thawhlehni
Chanmarians 09:00 AM Bawngkawn South