Playoff khel tur Nuggets

NBA playoff khel tur a chiang chho zel - Western Conference aṭanga inlan tur team paruk a hriat ta. Nimin zing inkhelah Denver Nuggets chuan Memphis Grizzlies chu 122-109 a hnehin playoff an khel dawn.

Nuggets hma hian Phoenix Suns, Memphis Grizzlies, Golden State Warriors, Dallas Mavericks leh Utah Jazz te an lo tling tawh, a thiam pariat inelnaa tel turin team pahnih tan hmun ruak a la awm tihna a ni.

Nuggets chak theih nan Nikola Jokic a che ṭha, point 35 a neih bakah rebound vawi 16 lain assist vawi nga a nei bawk. NBA player zingah season khat chhunga 2,000 point, 1,000 rebound leh 500 assist nei kawp thei hmasa ber a ni hial.

Nimin zing inkhel dangah Golden State Warriors chuan Los Angeles Lakers lakah 128-112 in hnehna an chang. Warriors hian hun harsa an hman hnuah an harh thar leh tawh a, tun hnaiah a zawnin match thum hnehna an chang leh ta.

NBA - Nimin Results
Orlando Magic 101 - 128 Charlotte Hornets
Boston Celtics 121 - 127 Milwaukee Bucks
Philadelphia 76ers 114 - 119 Toronto Raptors
San Antonio Spurs 121 - 127 Minnesota Timberwolves
Portland Trail Blazers 94 - 127 New Orleans Pelicans
Memphis Grizzlies 109 - 122 Denver Nuggets
Los Angeles lakers 112 - 128 Golden State warriors