Khaled Memorial champion Armed Veng

Khaled Memorial 2nd Division Screening Tournament 2022-ah Armed Veng an thiam ber. Nimin final inkhelah Armed Veng hian Gladiators chu run sariha hnehin nomawi an chawi.

Durtlang khelmuala final inkhelah Armed Veng hian vuak hmasak an thlang a, over 40 chhunga run 264 siamin mi pakua an thi. Target sang pangngai tak a ni, league round lama sang ber Gladiators tan erawh umphak theih tur a ni ang.

Mahse, Gladiators hian over 39.2 chhungin run 257 bak an tlin thei ta lo. League round-ah Gladiators hian Armed Veng hi wicket hnihin an hneh a, mahse final-ah erawh a vanduai zawkah an ṭang.

Second division inelnaah hian a sang pahnih Armed Veng leh Gladiators te hi first divison lamah an kaisang a, a hniam pahnih Chaltlang leh Gorkha Rising te erawh an tlahniam thung a ni.