Semifinal-ah Sikanth leh Sindhu

Korea Open Super 500 badminton tournament khelh laiah Kidambi Srikanth leh PV Sindhu te chuan semifinal an lut, singles huangah chuan anni pahnih hi India tana medal beiseina an ni.

Nimin inkhelah seeded pathumna Sindhu chuan Busanan Ongbamrungphan 21-10, 21-16 in a hneh a, Thailand nula hi vawi 17 zet a hnehna a ni ta. Saena Kawakami leh An Seyoung te inkhela chak zawk a hmachhawn leh ang.

Mipa singles inkhelah Srikanth chuan fiahna hautak a hmachhawn, game thum an khelh hnuah Son Wan Ho chu 21-12, 18-21, 21-12 in a hneh a, semifinal-ah Kunlavut Vitidsarn leh Jonatan Christie te inkhela chak zawk a hmachhawn ve leh dawn a ni.