Bodø/Glimt-in Roma hneh leh ta

Europa Conference League group stage inkhelah Bodo/Glimt chuan 6-1 ngawtin AS Roma an lo sawp tawh a, khawvel an barakhaih - Roma khelmuala an len ṭum pawhin 2-2 in an inhnehtawk.

ECL quarterfinal-ah team pahnih an intawng leh a, 2-1 in Roma an tlawm leh ta - Jose Mourinho naute vanneihna erawh first leg chauh a la ni a, mahni mualah second leg an khelh leh dawn avangin beisei an la nei.

Roma tan Lorenzo Pellegrini chuan minute 43-naah goal hmahruai a khung a, mahse, mualneitu Norwegian club tan Ulrik Saltnes leh Hugo Vetlesen ten an chhanglet a, 2-1 in Bodo/Glimt an chak.

ECL quarterfinal inkhel ngaihven hlawh zual zingah Leicester City-in goal an khung lo a, an mikhual PSV Eindhoven nen 0-0 in an inhnehtawk.

ECL Quarterfinal - First Leg
April 7, Ningani Zan
Feyenoord 3 - 3 Slavia Prague
FEY: Luis Sinisterra 10'; Marcos Senesi 74'; Orkun Kökçü 86'
SLA: Peter Olayinka 41'; Yira Sor 67'; Ibrahima Traoré 90+5'

Bodø/Glimt 2 - 1 AS Roma
BOD: Ulrik Saltnes 56'; Hugo Vetlesen 89'
ASR: Lorenzo Pellegrini 43'

Marseille 2 - 1 PAOK
MAR: Gerson 13', 90+4'; Dimitri Payet 45'
PAO: Omar El Kaddouri 48'

Leicester City 0 - 0 PSV Eindhoven

Quarterfinal - Second Leg
April 14, Ningani Zan
PSV Eindhoven 10:15 PM Leicester City
AS Roma 12:30 AM Bodø / Glimt
Slavia Prague 12:30 AM Feyenoord
PAOK 12:30 AM Marseille