Zaninah Real inlan dawn

Spanish La Liga hmahruaitu Real Madrid chuan zanin dar 12:30-ah league match an khel dawn a, Getafe an mikhual ang - Real hi Champions League quarterfinal first leg-a 3-1 a Chelsea hneh hlim an ni a, an phur vanglai tak a ni.

Chelsea laka hattrick siamtu Karim Benzema chu mit fukna tur a ni leh dawn a, French striker hian tun season-ah match 36 khelin goal 37 a khung leh der tawh!

Manchester United legend Rio Ferdinand chuan, "Ballon d'Or sem leh tur atan a hming ziak kai nghal rawh se," tiin a fak hial a, "Khawvela number 9 ṭha ber a ni," a ti bawk.

La Liga champion beisei thar Barcelona chu Pathianni zan dar 12:30-ah an inlan dawn a, khualmualah Levante an lenchilh ang.