Lawngtlai leh Aizawl an champion

Mizoram Volleyball Association (MVA) buatsaih, district hrang hrang inelna lian - 18th MVA Inter District Volleyball Championship 2022 chu khelh zawh a ni. Mipa inelnaah Lawngtlai an champion a, hmeichhe huangah Aizawlin nomawi an chawi ve bawk.

Hnahthial khawpuiin volleyball khawmpui hi a thleng a, mipuiin volleyball inelna an ngaihlu hle. Final en turin court sir velah mipui an khat vek a, mipa final hmuhnawm takah Lawngtlai chuan set hnih an hloh hmasak hnuin Kolasib chu 14-25, 19-25, 25-16, 25-22, 15-10 in an hneh let.

Hmeichhe lamah pawh Kolasib bawk an vanduai, season hmasa final-a chak lo team hi Aizawl lakah 25-12, 25-20, 25-20 in an chak lo. Nikum khan nomawi inchuhna inkhelah Kolasib hian Saitual an ngam lo tawh bawk.

Volleyball inelna lianah hian mipa team 10 an inlan - district 11 zingah Siaha an inlan thei lo. Hmeichhe inelna lamah pawh Siaha leh Mamit an inlan thei lo a, team pakua an inel. Mipa leh hmeichhe inelnaah hian team telte hi group hnihah ṭhen niin a sang pahnihin knockout stage (semifinal) an lut a, semifinal-a chakten final an khel leh a ni.

Final Thlirna Tawi
Mipa
Lawngtlai 3 - 2 Kolasib
(14-25, 19-25, 25-16, 25-22, 15-10)
Mimal Lawmman
Best Setter Lalrawngbawla, Kolasib
Best Spiker R. Vanlalmawia, Kolasib
Best Server Kharlianzuala, Lawngtlai

Hmeichhia
Aizawl 3 - 0 Kolasib
(25-12, 25-20, 25-20)
Mimal Lawmman
Best Setter FVL Hmuchhuaki, Aizawl
Best Spiker Hmingṭhazuali, Kolasib
Best Server F. Lalparmawii, Aizawl