National Basketball-ah Mizoram 13-na

NorthEast champion Mizoram chuan 71st Senior National Basketball Championship group stage an paltlang zawh loh hnuin ranking 9-16 inkara awm tur an zawng a, 13-na nichungin inelna an khar.

Mizoramin an match hmasa pahnihah Uttarakhand (74-46) leh Tamil Nadu (90-50) te an hneh lo a, Delhi 57-54 in hneh mah se group stage an paltlang lo.

Ranking 9-16 inkara awm tur zawnaah Mizoram hi Delhi bakah West Bengal leh Madhya Pradesh te nen an awm. Mizoram hian West Bengal (77-81) leh Madhya Pradesh (62-52) hi hneh lo ve ve mah se an vaiin knockout an lut.

Mizoram hian knockout-ah Uttar Pradesh 89-67 an hneh lo a, 12-na china awm theihna kawng a inkhar. Match thum chak loh zawn hnuah Mizoram hian Madhya Pradesh (49-41) leh West Bengal (51-44) te an hneh. Basketball C'ship hi qualifying aṭanga chhiarin state leh union territory bakah Indian Railways leh Services te an tel a, team 38 aṭangin Mizoram hi 13-na an ni pha a ni.