I League-a Mizo MC hmasa ber Asawma

Kolkata-a khelh mek Hero I League 2021-22-ah R. Malsawma, Chanmari chu match commissioner-ah a ṭang. Asawma hi Mizo zinga I League-a MC hna chelh hmasa ber a ni.

Inrinni khan Naihati Stadium-ah Sudeva leh Trau te goal awm loin an inhnehtawk a, he inkhel hi Asawma hian kaihruai. Covid-19 vangin I League hi Kolkata-in a thleng a, match khelh nan hian Naihati Stadium leh Kalyani Stadium-ah te an hmang.

Mizo match commissioner Asawma chuan, "AIFF hnuaiah inelnaah hian MC hna chelh tawh mah ila I League kaihhruai chu a danglam. Mizo ti hming ṭha turin theihtawp chhuah zel ka tum a, Pathian zarah Indian Super League kaihhruai hunte pawh a la inher chhuah ngei ka beisei," tiin Vanglaini a hrilh.

AIFF hnuaiah hian MC hi 50 bawr vel an awm a, chung zingah chuan Asawma leh Mizo zinga AIFF MC hmasa ber Lalrawngbawla te an tel. Asawma han tun hmain inelna lian tham dangte pawh a lo kaihruai tawh a, chung zingah chuan Salt Lake Stadium-a khelh Durand Cup final 2021 pawh a tel a ni.