World Doubles Squash C'ships-ah India che ṭha

WSF World Doubles Championships chu Glasgow-ah neih a ni a, Zirtawpni khan final khelh niin Dipika Pallikal hmangin India an mawi. Kum 30 mi Pallikal hian Joshna Chinappa ṭanpuiin hmeichhe doubles-ah pakhatna an ni a, mixed doubles-ah Saurav Ghosal nen gold medal an la leh bawk.

Pallikal hi Indian cricketer Dinesh Karthik nen an innei a, nikum October 18 khan fa phir neiin thla ruk hnuah inelna lian thamah a champion. India team physio hi Mizo nula Lalthutiamngheti a ni.

Tiami hi Champhai Vengsang nula a ni a, Chennai-a hmunpui nei Sri Ramchandra Institute of Higher Education and Research, Anthroscopy & Scports Medicine Department, Centre of Sports Science-ah a thawk mek. Mizo nula hian Olympian leh footballer lar tak tak a enkawl tawh a ni.