IWL-ah Nutei

Hero Indian Women League-ah F. Zohmingliani (Nutei) chu match official a ni dawn, Inrinni khan Aizawl aṭangin inelna neihna tur hmun Bhubaneswar, Odisha a pan.

Inelna hi April 15 aṭanga May 26 chhung khelh a ni dawn. Tournament danga an tih ang bawkin, tun ṭumah hian inelna neih hmain match official turte hi an taksa a fit tawk em tih endik a ni leh dawn.

Mizo zingah chuan Nutei hi national referee (active) kan neih mek awm chhun a ni. National referee-te hi kum khatah vawi hnih fitness test neihtir ṭhin an ni.

Kum 2015 aṭang khan Nutei hi national referee a ni tawh. AIFF hnuaia inelna hrang hrangah match a conduct fo tawh a, hripui leng vanga inelna awm loh hnuah tun hnaiah a awm leh ṭan a, koh a ni lehnghal.