DBAAC Open hlawhtling takin an nei

District Badminton Association Aizawl Central (DBAAC) Open chu April 5-9, 2022 chhung khan Republic Veng Community Hall-ah hlawhtling takin an nei. Inelnaah hian club 15 aṭangin player 219 an tel a, category 13 hmangin an inel.

Inelna thlengtu Republic Badminton Club (BCR) aṭangin player 43 an chhuak a, club khat aṭanga player tel tam ber an ni. Men's Singles final-ah K. Vanlalhuzuala, BCR a champion a, men's doubles-ah F. Lallawmzuala leh Samuel Thangliandinga, Bethlehem BC te inkawp chu pakhatna an ni bawk.