Bayern an chak hram

Bayern Munich chuan Inrinni zan khan Augsburg an mikhual a, minute 82-naa Robert Lewandowski penalty hmangin 1-0 in an chak hram. Inkhel dangah Borussia Dortmund-in VfB Stuttgart 2-0 in an hneh a, Julian Brandt-a'n goal hnih a khung.

Kartawp inkhelah Bayern an la insiamṭha lo a, Augsburg lakah Leon Goretzka-a'n bul ṭan tawh mah se an goal nawr a nat phah lo. Augsburg player handball vangin mualneituin penalty an hmu a, Lewy-a'n chakna goal a khung.

Bavarians hian April 12, Thawhlehni zan hian Villarreal an mikhual dawn a, first leg-ah 1-0 a an chak tawh loh avangin insiamṭhat an mamawh hle.