Shakhtar-in peace tour an nei

Ukrainian club Shakhtar Donetsk chuan 'Football for Peace Tour' bul ṭan entu 5,000 hmaah Greek club Olympiakos an tlawh a, Karaiskakis Stadium-ah mualneitu Greek club hi 1-0 in an chak.

Olympiakos sporting director Christian Karem-beu chuan, "Football hi remna leh muanna awm theih nan hmanrua atan kan hmang. Indo ṭhat lohzia puanzarna hun kan hmang thei hi kan lawm," tiin a sawi.

Ukrainian club lar Shakhtar hian February thlaa Russia-in Ukraine a run hnuah competitive match an la khel leh lo. Peace tour erawh neih chhunzawm a ni dawn.

April 14 hian Gdansk, Poland-ah Lehya an hmachhawn ang a, April 19 hian Istanbul-ah Fenerbahce an tlawh ang a, match tawp ber hi May 1-a khelh tur niin Croatian club Hajduk Split an hmachhawn ang.