Veteran Football AMC Ward 9 leh Ward 4 ten final an lut

G.I.G. Motors Veteran Football Tournament semifinal chu nimin khan RG Stadium-ah khelh a ni a, AMC Ward 9 leh Ward 4 ten penalty shootout hmanga an khingpuite hnehin final an lut.

Ward 9 hian Ward 2 lakah Lalrammawia hmangin goal an khung hmasa a, injury time-ah Ward 2-in PC Vanlalchhuana hmangin an sut. Penalty shootout-ah Ward 2 an vannei chhunzawm lo a, Ward 9-in 3-2 in hnehna an chang.

Semifinal hnuhnung zawkah Ward 4 leh Lengpui Veteran te goal awm loin an inhnehtawk. Penalty Shootout-ah inkhela chungnung zawk Ward 4-in 4-3 in hnehna an chang.

Final khel tur Ward 9-ah hian Dawrpui, Saron Veng, Chhinga Veng leh Tuithiang Veng te an awm. Ward 4-ah Ramhlun South, Ramthar, Ramthar North leh Aizawl Venglai te an awm ve bawk.

Semifinal - Nimin Inkhel Results
AMC Ward 9 1 - 1 AMC Ward 2
Penalty Shootout-ah 3-2 in Ward 9 an chak
W9 : Lalrammawia 30'
W2 : PC Vanlalchhuana 70+2'
AMC Ward 4 0 - 0 Lalsapi Memorial FC, Lengpui
Penalty Shootout-ah 4-3 in Ward 4 an chak

Final - Vawiin Inkhel Tur
AMC Ward 9 01:30 PM AMC Ward 4