Zanin aṭangin MFA Futsal League

Kuriz Collection MFA Futsal League 2021-22 season chu zanin aṭangin R. Dengṭhuama Hall-ah khelh ṭan a ni dawn. Zanin dar 8:00 hian champion lai Chanmari Zothan Futsal chuan Kanan club Team Gideon an hmachhawn ang.

Futsal League-ah hian team 16 an awm a, group hnihah team pariat ve vea ṭhen an ni. Group A-ah Chanmari Zothan Futsal, Team Gideon (Kanan), Bungkawn FC, FC Thyristor (Ramhlun Venglai), LM Futsal Club (Durtlang), IDBI Capital FC (Thakthing Veng), Zonuam FC leh Zaia Memorial FC (Laipuitlang) te an awm.

Group B-ah Saron Veng FC, Ramhlun South FC, Electric Veng FC, Whetstone FC (Ramthar Veng), Lawmna FC (Dinthar), Amawii Bawngkawn FC, Chhinga Veng FC leh FC Khatla te an awm thung. Group khat aṭangin a sang pahnihin semifinal an lut ang.

Covid-19 vangin season hnih chhung chu inelna hi neih theih a ni lo a, inelna hnuhnung ber final-ah Chanmari Zothan Futsal-in Chhinga Veng 6-4 a hnehin an champion. Futsal League hmasa berah Chanmari hi an champion bawk a, inelna vawi hnih awm tawhah an champion ve ve tihna a ni.

MFA hnuaia Futsal inelna hniam zawk Division One-te pawhin tun thla hian Mid Season Tournament an khel dawn. Vawiin chawhnu dar 2:00 hian Division One club-ten AR Lammual, MFA Site Office-ah manager meeting an nei ang a, fixtures tlangzarh nghal a ni ang.

Zanin Inkhel Tur
Chanmari Zothan Futsal 8:00 PM Team Gideon, Kanan

April 13, Nilaini
Bungkawn FC 11:00 AM FC Thyristor, Ramhlun Venglai
LM Futsal Club, Durtlang 12:30 PM IDBI Capital FC, Thakthing Veng
Zonuam FC 2:00 PM Zaia Memorial FC, Laipuitlang
Saron Veng FC 3:30 PM Ramhlun South FC
Electric Veng FC 5:00 PM Whetstone FC, Ramthar Veng
Lawmna FC, Dinthar 6:30 PM Amawii Bawngkawn FC
Chhinga Veng FC 8:00 PM FC Khatla