A chung berah Bastianini

Enea Bastianini chuan MotoGP season kal laia a vawi hnih nan hnehna a chang a, bike intlansiakna sang berah hian point 61 hmuin rider championship table-ah hma a hruai.

Pathianni zana tlan Grand Prix of the Americas-ah Bastianini hian hnehna chang turin Alex Rins hmaah a thleng a, pathumna dinhmun luahtu chu Jack Miller a ni thung.

Vawi ruk champion tawh Marc Marquez a lo kir leh tawh. Honda rider hi thla hmasa khan Indonesia-ah a chesual a, inelna hnuhnung zawk Argentina GP a tlan thei lo, tunah erawh a dam tawh tih fiah nan parukna dinhmun a rawn luah.

Kumina intlansiak pangana atan April 24, Pathianni hian Portugal Grand Prix an tlan leh ang.