Jabeur hnehin Bencic a champion

Charleston Open khelh zawh takah Belinda Bencic a champion. Olympic gold medalist hian final inkhel hmuhnawm takah Ons Jabeur chu 6-1, 5-7, 6-4 in a hneh, chak tur hian darkar hnih leh minute 35 zet hun a mamawh.

Kum 25 mi Bencic tan WTA title paruk a lakna chiah a ni. Swiss nula zingah Martina Hingis (1999) hnu lama WTA Charleston title la leh thei hmasa ber a ni, a hlut dan a zual ngei ang.

Bencic chuan, "Tokyo Olympic hnua title ka lak lehna hmasa ber a ni, ka nghah rei a ngai vang vang hle. Ka tan chuan tournament nuam leh hriatreng tawh tur a ni," tiin a sawi.