Yaya Toure-a'n Olympiakos a chhuahsan

Manchester City midfielder hlui Yaya Toure chuan thla thum chauh hun a hmang hman tihin Olympiakos a chhuahsan lehnghal a, kum 35 mi midfielder hian khawi lam nge a hawi dawn he thu buatsaih a nih lai hian a la hriat loh.

Toure hian nipui transfer lai khan Manchester City chu a contract a hman zawh tawh avangin a chhuahsan a, September khan 2005-06 season chhung a lo khelh tawhna Olympiakos lamah a kir.

Barca midfielder hlui hi Greek club-a a kirnaah fans tam takin airport-ah lo hmuak mah se khelmual lamah erawh a boruak lian a seng lut thei lo a, match hnihah chiah inkhelh bul ṭanin match hnihah bench aṭanga luhtir a ni thung.

Greek club chuan thuchhuah siamin, "Olympiakos leh Yaya Toure chuan kan thawhhona tihtawp mai kan remti tih hi fnas ho hriatah kan puang duh a ni. Kan ṭhianṭha tak angin a chhuak a, a tan hmun kan hawng reng a ni," an ti.