PV Sindhu a chak phawt

Nimin aṭang khan BWF World Tour Finals chu khelh ṭan a ni a, hmeichhe singles huanga India nula inlan awmchhun PV Sindhu chuan a group match hmasa ber atan world number 2 leh champion lai ni bawk Akane Yamaguchi a hneh nghal.

Season hmasa pahnihna Sindhu hian Japanese nula hi 24-22, 21-15 in a hneh. Player pahnih an inkhel tawk a, game hmasa ber pawh minute 27 chhung ngawt an khel.

Game hnihnaah Yamaguchi chuan Sindhu ṭhat tawk lohna lam nia a ngaih backhand lamah a pe hnem a, a bul pawh a ṭan fuh zawk. Mahse, a zawna season thum BWF World Tour Finals khel tawh Sindhu a buai duh lo, huaisen takin hnehna a chang tlang.

Hmeichhe singles inkhel dangah world number 1 hlui Tai Tzu-ying chuan United States nula Zhang Beiwen chu minute 30 chhungin 21-15, 21-17 in a hneh. Badminton player ṭha zual pariat inelnaah hian group pahnihah ṭhen an ni a, an inkhelh kual hnuah a sang pahnih ten semifinal an khel dawn a ni.

Mipa huangah India tlang­val Sameer Verma chu Kento Ma­mota lakah minute 36 chhung­in 21-18, 21-6 in a chak lo, Japanese shuttler Mamota hi world champion ni lai a nih avangin Sameer tan hna a awlsam thei lo.