Chelsea-in fans pali an hrem

Manchester City forward Raheem Sterling laka chi inthliarna rawng kaia buaina nei Chelsea fans pali chu an club inkhel en thei lo turin hrem an ni a, hrem an nihna hi an chungchang chhui chianna neih hun chhung atan tih phawt a ni.

Kar tawp Premier League inkhelah Pep Guardiola naute hi Chelsea mualah 2-0 in an tlawm a, he inkhelah hian Blues fans lam chuan English forward hian goal hnung lama ball a chhar laiin fans lamin an lo au nawmnah a, he thil hi social media lama tarlan a ni.

Chelsea chuan thuchhuah siamin, "Chelsea Football Club chuan chi inthliarna rawngkaia inbeih hi a duh lo a, inkhel en theih loh thlenga hrem theih a ni," an ti. Hetihlai hian Man City lam chuan Blues thuchhuah hi an thlawp thu an lo sawi ve bawk.