Club World Cup khel tur Ross

Nikum lawka English football-a eight division club Guernsey FC-a khel Ross Allen chuan naktuk zan hian Club World Cup a khel dawn!

Kum 31 mi forward hian Guernsey-ah a hun tam zawk hmanga match 239-a goal 226 a khung hnuah nikum khan England chhuahsanin New Zealand a pan a, top division club Wellington a zawm.

Oceania Football Confe-deration Champions League-ah Wellington hi nomawi a chawipui zui a, zanin dar 9:00 hian United Arab Emirates champions Al Ain nen an intawng dawn.

Wellington hian hnehna an chang a nih chuan African Champions League nomawi chawitu Esperance de Tunis an hmachhawn ang a, an chak chuan semifinal lut chiang sa South American champion River Plate an hmachhawn leh ang.