Holding tan season a tawp

Arsenal defender Rob Holding chu a khup hliam vangin tun season chhungin a inkhel hman tawh dawn lo. Gunners manager Unai Emery chuan a player hi a dinhmun a ṭhat loh thu a lo sawi lawk tawh.

Kum 23 mi Holding hi Manchester United nen an inkhelh ṭumin zawn chhuah a ngai hial a, a tirah chuan a dinhmun tak hi sawi chian theih ni lo mah se endik a nih hnuah a chawlh chen tur hi a chiang chauh.

Thuchhuah siamin Arsenal chuan, "Rob hi a rang thei ang bera rawn let turin kan duh, chutihrual chuan kumin chhungin a rawn kir hman tawh kan beisei lo," an ti.

Gunners hian Holding bakah Shkodran Mustafi te chu hliam vangin an chhawr thei lo mek a, captain Laurent Koscielny chu match hnuhnung ber an khelh ṭumin bench-ah a ṭhut tawh bakah Nacho Monreal a inlan thei tawh bawk - player hliam nei bawk mah se a ṭhenkhat an dam hman avangin manager tan rilru hah zualpui tur a chhawk tura ngaih a ni.