Lajong tan Real Kashmir an khawng mah mah

Real Kashmir chuan nimin khan Shillong Lajong an mikhual a, harsatna nei loin Indian rawlthar rual awmna team hi 6-1 ngawtin an sawp.

Kashmir club tan Abednego Tetteh chuan minute 25-na lekah goal hmahruai a khung a, hun tawp nan minute sarih chiah a awm tawh tihin a goal hnihna leh a tawp kharna goal a khung bawk.

Real Kashmir tan hian Mason Robertson (37'), Nagen Tamang (42'), Gnohere Krizo (50') leh Surchandra Singh (74') te chuan goal khat ṭheuh an khung ve bawk a, Lajong-in si khat chiah an phurh laia a sutna goal khungtu Samuel Kynshi pet luh chu a tawpah chuan mualpho zualpui khuhna goal chauh a ni.

Shillong Lajong tan captain Samuel Lalmuanpuia leh F. Lalrohlua ten inkhel bul an ṭan a, Real Kashmir-ah erawh Mizo an awm lo thung. Jammu club hian hnehna an chan avangin table-ah pathumnaah an invawrhkai a, Lajong erawh team 11 awmnaah 10-na an ni mek.