Gopi kam chhuak

All England Open champion thei India badminton legend Pullela Gopichand leh Lin Dan te hi court chhungah vawi thum an intawng a, Gopi vanglai leh Lin hun hmasa lam an intawng - India chief national coach ni ta hian vawi hnih a hneh.

Gopi chuan, "Infiammi te hi an theihna san zawng leh nihna ka sawi zen zen lo, hriat pawh ka hre thuk lo. Amaherawhchu, Lin Dan erawh player ropui berte zinga mi a ni tih ka sawi ngam. "Chinese player dangte ang bawkin attacking game a khel thiam em em a, a danglamna chu mahni inven a thiam tel kha a ni. A hun hmasa lamah a inveng tawk lo a, player puitling a nih hnuah erawh badminton player-in an mamawh chu a nei kim," a ti.

PV Sindhu leh Saina Nehwal te chher hriamtu coach chuan sawi zawmin, "Malaysia tlangval Lee Chong Wei khan match 732 zetah hnehna a chang thei a, badminton thiam teh dawn chuan ani aia thiam kha an awm ka hre lo.

"Mahse badminton court chhungah Lee leh Lin an awm dun a nih chuan boruak a danglam leh si ṭhin. Lin Dan chu a huaisen a, a rilru a paukhauhin a chiai ve ngai lo, hlawhtlinna lian chang tur chuan theihna neih san bakah rilru put hmang a dik hi a ngai," a ti. India champion pawh lo ni tawh Arvind Bhat pawhin Lin Dan a dahsang hle, "A ṭha ber ni turin engkim a nei, a hun laia player ropui leh ṭha zawng zawngte chu a hneh thei a ni," tiin Chinese shuttler chungchang a sawi.