Saitluangpuia a kaltluang

Mizo rawlthar Sai-tluangpuia'n Bengaluru khawpuiah hnehna hlado a chham mek. Yonex-Sunrise Union Bank of India All India Junior Ranking Badminton Tournament 2022-ah Saitluangpuia hi a inlan a, Under-19 Boy's Singles-ah main draw a invaw tling.

Ramhlun Venglai rawlthar hian main draw thleng turin qualifying round ah player panga a hneh a, nimin khan match nei lehnghal mah se he thu buatsaih a nih lai hian a result kan hre hman lo.

Hetihlai hian Under-19 Boy's Doubles-ah H. Lalṭhazuala chu main draw a invaw tling bawk a, Chanmari West rawlthar hian main draw invaw thleng turin a ṭanpui Ashrith Valishetty nen qualifying round-ah vawi li hnehna an chang - an zinkawng a nep bik lo tih a chiang.

Ṭhazuala leh Ashrith Valishetty te pawh hian nimin khan match an neih lehnghal a, result kan hre hman lo.