Williamson-a'n Hyderabad an chakpui

Indian Premier League-ah Sunrisers Hyderabad chuan Thawhṭanni zan khan Gujarat Titans chu wicket riatin an hneh. Hyderabad captain Kane Williamson chuan ball 46-ah 57 runs a siam a, team a chakpui.

Dr. DY Patil Sports Academy, Navi Mumbai-a inkhelah Sunrisers-in vawm hmasak an thlang. Titans top order-te che ṭha tawk lo mah se Hardik Pandya-a'n thi loin 50 runs a siam a, over 20-ah 162/7 runs an siam.

Sunrisers opener pahnih Abhishek Sharma (42) leh Williamson (57) te an che ṭha a, ball nga chauh dah bang mah se harsatna lian tham an tawk lo. Nicholas Pooran (34*) leh Aiden Markram (12*) ten a tawp an khar a, 19.1 overs-ah 168/2 runs siamin hnehna an chang.

Zanin dar 7:30 hian Mumbai Indians leh Punjab Kings te Maharashtra Cricket Association Stadium-ah an inkhel ang.