Queiroz-a'n Egypt a chhuahsan

Egyptian Football Association (EFA) chuan World Cup an inpetkai zawh loh hnuah coach Carlos Queiroz contract chu inhriatthiam tawnnain an titawp a, Queiroz-a'n Egypt a enkawl tawh dawn lo.

Egypt hian World Cup playoff inpetkai mah se Senegal chu penalty-ah 3-1 in an ngam lo a, Mohamed Salah telna team hian World Cup 2022 an khel ve dawn ta lo a ni.

Real Madrid, Portugal leh Iran coach hlui Queiroz hian nikum September khan Hossam El Badry thlakin Egypt enkawl hna a thawk ṭan a, Africa Cup of Nations-ah final hruai thleng mah se Senegal an ngam lo bawk.

Nimin khan Egyptian FA chu Portuguese coach thlaktu tur ngaihtuahin an ṭhukhawm a, Egypt tan match 176 a inlanna goal 68 khung thei Hossam Hassan leh Egypt club Pyramids coach Ihab Gala te hming lam rik a ni.