Ivory Coast leh coach inṭhen

Ivorian Football Federation (FIF) chuan an ram team enkawltu Patrice Beaumelle contract pawtsei lo turin thutlukna an siam a, a result avangin contract thar a hlawh chhuak zo lo tiin a sawi theih.

Kar hmasaa a contract hmang zotu coach hian World Cup playoff-ah a team a hruai thleng zo lo a, Africa Cup of Nations-ah last 16 aṭangin an tla bawk.

French coach Beaumelle hian World Cup an khel phak dawn lo tih a chian khan, FIFA chu Africa tana World Cup-a hmun ruak panga chiah a dah avangin na takin a sawisel a, "African football ti thi tu," a ti!

Kum 43 mi Beaumelle hian kum 2015 khan Herve Renard-a assistant niin Ivory Coast chu Africa Cup of Nations-ah an champion pui a, Renard hi Zambia lamah assistant niin a zui leh a, kum 2013 khan Renard a ban hnuah Zambia coach nghet a ni zui - March 2020 aṭang khan Ivory Coast hi a enkawl.