India-in medal la phak lo

FIH Hockey Women's Junior World Cup-ah India tleirawl ten bronze medal an dawng phak lo. Mizo pathum Lalremsiami Hmar, Marina Lalramnghaki leh Lalrindiki te telna India hian England chu penalty-ah 3-0 in an

hneh lo.

India-in 2-1 in hma an hruai reng a, hun tawp dawnah England tan Swain Claudia-i'n sutin 2-2 in hun a tawp. Penalty-ah India tana thaitu hmasa pathumin an hlah vek laiin, an khingpui lamin an khung vek thung.

Remsiami leh Marina ten bul an ṭan a, bench aṭanga lut Didiki'n khung theihna remchang nei mah se a vannei lo. Ram pahnih an inhnehtawk hle, captain Giglio Millie hmanga England goal chu India tan Mumtaz Khan-i'n a sut a, an goal hnihna a khung bawk.

India an chak tlang dawn niin a lang hman, hun tawp hma minute hnih chauh awm tawhah England lamin Swain Claudia hmangin an sut hlauh a, penalty-ah an vannei zui ta bawk.

South Africa-a inelna neihah hian, midfied aṭangin Remsiami'n match zawng zawng khelin goal hnih a khung a, forward Didiki'n goal thum a khung. Defender Marina chu match pawimawh hoah a khel vek bawk.

Junior World Cup-a India thlen san ber chu 2013 kha a ni a, bronze medal an la. Hemi ṭum hian semifinal-ah Netherlands bawk an hneh lo a, pathumna inchuhnaah England an hneh thung.

Nizan khan Netherlands leh Germany ten final an khel a, result erawh kan hre hman lo.

India Results
Group Match
India 5 - 1 Wales
IND: Lalremsiami Hmar 4'; Lalrindiki 32', 57'; Mumtaz Khan 41'; Deepika 58'

India 2 - 1 Germany
IND: Lalremsiami 2'; Mumtaz Khan 25'

Malaysia 0 - 4 India
IND: Mumtaz Khan 10', 26', 59'; Sangita Kumari 11'

Quarterfinal
India 3 - 0 South Korea
IND: Mumtaz Khan 11'; Lalrindiki 15'; Sangita Kumari 41'

Semifinal
Netherlands 3 - 0 India
NED: Beetsma Tessa 12'; Fokke Luna 53'; Dickle Jip 54'

Third Place
India 2 - 2 England
IND: Mumtaz Khan 21', 47
ENG: Giglio Millie 18'; Swain Claudia 58'
Penalty-ah England 3-0 in an chak