A vawi thum nan Clijsters a chawl

Kim Clijsters chuan tennis a chawlhsan thu a puang a, ṭum thum ngawt a chawlhna a ni ta. Kum 38 mi a nih tawh avangin tun ṭumah chuan a chawlh hlen tawh ngei pawh a rinawm.

Belgian player hi khawvelah a ṭha berte zinga mi a ni phak a, mahse tennis court pawn lamah harsatna a nei. Chhungkaw thil vang leh harsatna dang vangin tun hma deuh khan a lo chawl tawh.

Kum 2019 khan tennis huangah a lo kir leh a, hripui a len zui avangin a inkhel tam lo - match nga chiah a khel. WTA titles 41 zet a lak hman tho avangin a sulhnu erawh sawi nep theih a ni lo.

World number 1 hlui Clijster chuan, "Tennis tournament pangngai ka khel tawh dawn lo tih ka puang chiang. Hringnuna chona thar dang ka hmachawn leh tur hian mi tiphurin ka nghakhlel bawk.

"Hun hlimawm leh harsa ka tawh lai pawhin thlawptu ka nei reng a, tawp chin nei loa min thlawp tlattute chungah lawmthu ka sawi," a ti.