Mohun Bagan chak chiang

Asian football-a club inelna sang ber dawttu AFC Cup khel turin ATK Mohun Bagan dinhmun a ṭha hle - Bagan hian Thawhlehni zan khan AFC Cup preliminary round-ah Blue Star SC chu 5-0 in an sawp a, AFC Cup playoff an khel dawn.

Kolkata club tan hian Joni Kauko leh Manvir Singh te chuan goal hnih ve ve an khung a, David Williams chuan goal khat a khung bawk - Sri Lankan club Blue Star-in a chhanletna tur an nei lo.

Bagan hian April 19-ah playoff khel turin Abahani Limited Dhaka an hmachhawn dawn a, Bangladesh club hi an hneh leh chuan AFC Cup group stage an inpetkai thei dawn a ni. Kolkata khawpuia inkhel tur an nih avangin an chance a ṭha hle.

Hetihlai hian AFC Champions League lamah Mumbai City chu zanin dar 10:45 hian an inlan dawn a, Al Jazira nen an inkhel ang - Mizo tlangval Lallianzuala Chhangte leh Lalengmawia chu bul ṭan tura ngaih an ni.

UAE club hi Ajax midfielder hlui Thulani Serero leh Sporting Lisbon leh Besiktas tana khel tawh Abdoulay Diaby neitu an ni a, an tawh a khirh ang.

AFC Cup - preliminary round
ATK Mohun Bagan 5 - 0 Blue Star SC
AMB: Joni Kauko 24', 39' (P); Manvir Singh 29', 89'; David Williams 77'

AFC - Champions League

Zanin Inkhel Tur
Al Jazira 10:45 PM Mumbai City
*Inkhel hi Star Sports 3-ah a en theih a, online hmangin Hotstar VIP leh JioTV-ah a en theih bawk.