Tlai dar 3:00-ah Aizawl FC Vs Chhinga Veng

Mizoram Premier League Under 18 chu Thawhlehni aṭang khan Lammualah khelh ṭan a ni a, vawiinah khelh chhunzawm a ni dawn. Match hmasa berah Chanmari FC-in Electric Veng FC 3-0 in an hneh a, FC Venghnuaiin Mizoram Police 1-0 in an hneh ve bawk. Vawiin tlai dar 1:00-ah Venghnuai leh Chanmari te an inkhel ang.

Covid-19 vangin season hnih chhung MPL Under 18 buatsaih theih a ni lo a, inelna neih hnuhnun ber chu kum 2019 daih tawh kha a ni. Final-ah Aizawl FC leh Chhinga Veng te inkhelin hun pangngaiah 2-2 in an inhnehtawk a, penalty shootout-ah Aizawl FC 3-2 in an vannei.

Vawiin tlai dar 3:00 hian final rematch a awm dawn a, Aizawl FC leh Chhinga Veng te hian an match hmasa berah hnehna an chan ve ve avangin inkhel hmuhnawm a beisei thei ang. Chawhma lamah point la hmu lo pali an inlan dawn. Dar 9:00-ah Mizoram Police leh FC Chawnpui an inkhel ang a, chawhma dar 11:00-ah Electric Veng leh FC Bethlehem te an inkhel bawk ang.

Round 2 - Vawiin Inkhel Tur
Mizoram Police FC 09:00 AM FC Chawnpui
Electric Veng FC 11:00 AM FC Bethlehem
FC Venghnuai 01:00 PM Chanmari FC
Aizawl FC 03:00 PM Chhinga Veng FC