Kuriz Collection Futsal League Season 3 an ṭan ta

14th April, 2022

Thawhlehni zan khan Kuriz Collection MFA Futsal League Season 3 chu R. Dengṭhuama Hall, Mualpuiah khelh ṭan a ni a, champion lai Chanmari Zothan chuan Kanan club Team Gideon chu 6-0 in an sawp.

Kuriz Collection neitu C. Ramdinthara'n khuh hawhna hi a nei a, match pakhat chiah awm mah se Futsal League club 16 player-te an inlan vek. MFA Futsal Committee assistant secretary Lalbiakdika Ngente kaihhruainain player-ten thutiam an chham.

Futsal League hi ṭum hnih neih tawhah Chanmari Zothan an champion ve ve a, tun season-ah a ṭum thum nan champion nawn an tum tih an game aṭangin an pholang. Chanmari tan K. Roluahpuia'n hattrick a siam a, Lalremtluanga'n goal hnih a khung bakah H. Lalbiakthanga'n goal khat a khung bawk.

Inelnaah hian team 16 te chu group pahnihah ṭhen an ni a, group tina club pariatte hi vawi khat ṭheuh an inkhelh chhuah hnuah a sang pahnih ve vein semifinal an lut ang. Nimin khan round 1 khelh zawh a ni a, round 2 hi April 16, Inrinnia khelh leh tur a ni.April 12, Thawhlehni

Chanmari Zothan Futsal 6 - 0 Team Gideon
CZF : K. Roluahpuia 7' 13' 30'; Lalremtluanga 9' 40'; H. Lalbiakthanga 41'

April 13, Nilaini
Bungkawn FC 5 - 7 FC Thyristor
BFC : Lalhriatpuia 8', 10'; Zorempuia 14', 38'; David Lalthalmuana 39'
FCT : Lalhmangaiha 9', 23'; David Vanlalruata 20'; Lalawmpuia 29'; C.Lalrinhlua 35', 43'; Lalremruata 44'
LM Futsal Club 2 - 3 IDBI Capital FC
LMF: Malsawmtluanga 11'; Lalramliana Varte 34'
IDB: Solomona 2'; Moses Lalrinzuala 14'; Lalrinchhana Tochhawng
Zonuam FC 4 - 3 Zaia Memorial FC
ZFC: Lalchhuansanga Pachuau 12'; Lallawmzuala 25', 49'; Lal?hazuala 34'
ZMF: C.Vanlalkungpuia 17', 43'; David Vanlalhmuakdika Fanai 22'
Ramhlun South FC 5 - 5 Saron Veng FC
RSF: Rony Lalenkima 4', 9',16', 45'; Samuel Vanlalpeka 11'
SFC : Lalremruata 6', 43'; Anthony Malsawmtluanga 10'; F.Lalnuntluanga 12', 28'
Electric Veng FC 4 - 2 Whetstone FC
EFC: Lalsangkima 8', 48'; Lalrinzuala 21'; Lalrinsanga 46'
WTF : Zothantluanga 26'; K.Lalfakzuala 39'
Lawmna FC, Dinthar * Amawii Bawngkawn FC
Chhinga Veng FC * FC Khatla
* Result kan hre hman lo