Luangmual leh Chanmarians an chak

Mapuia Memorial Mizoram Cricket League khelh mek a ni a, nimin Suaka Cricket Ground, Sihhmuia inkhelah Chanmarians leh Luangmual ten an khingpui ve ve an hneh.

Inkhel hmasa zawkah Chanmarians hian Ramhlun Venglai chu run 93 zetin an hneh a, Lalhruaizela (60 runs) leh Lalhmangaiha (41) te an che ṭha hle. Match hnih an khelh tawhah hnehna an la chang ve ve, vawiinah Kulikawn an hmachhawn leh nghal ang.

Lilamna aṭanga inlei tling team pahnih inkhelah Luangmual chuan wicket rukin Bawngkawn South an hneh. Luangmual hi an match hmasa zawkah Chhinga Veng hneh thei dinhmunah an ding a, mahse khaw chhia vangin an khel zo thei lo.

An match hnihnaah erawh khua in a bumro lo a, wicket hnih a lak bakah run 45 siama dam tluan G. Lalbiakvela chu Player of the Match atan thlan a ni. Luangmual hian Inrinniah Ramhlun Venglai an hmachhawn leh dawn a ni.

Vawiin Inkhel Tur - Round 3
Chanmarians 09:00 AM Kulikawn
Bawngkawn South 01:00 PM Chhinga Veng

Nimin Inkhel Results
Chanmarians (150/3) bt Ramhlun Venglai (57/10)
Chanmarians hi 93 runs in an chak
Toss: Chanmarians lamin vuak hmasak an thlang
PoM: Lalhruaizela, Chanmarians
Luangmual (88/4) bt Bawngkawn South (84/10)
Luangmual hi wicket rukin an chak
Toss: Bawngkawn South lamin vuak hmasak an thlang
PoM: G. Lalbiakvela, Luangmual