Milan manager tur Ralf Rangnick

Serie A club AC Milan chuan season thar aṭanga club enkawl turin Ralf Rangnick an lalut. Kum 61 mi Rangnick hi Hoffenheim leh RB Leipzig-ah te hming a chher tawh a, tunah hian Red Bull GmbH-ah head of sport and development hna a thawk mek.

Red Bull hnuaiah Erling Braut Haaland larchhuahna FC Red Bull Salzburg leh German club ṭha zinga tel RB Leipzig te an awm a, club pahnihah hian Rangnick hian sporting direcotor hna a chelh ve ve tihna a ni. Ralf Rangnick hi Manchester United leh Bayern Munich nen te pawha sawi zawm tawh a ni a, AC Milan-ah hian Stefano Pioli a thlak ang. German manager hian Milan a enkawl dawn tih a chiang tawh a, sporting director hna chungchanga Italian club nen an inbe mek bawk. AC Milan-a sporting director hna chelh mektu chu club legend Paolo Maldini a ni a, Rangnick hi sporting director hna chelh kawp thei dinhmunah a ding.