Mumbai City an tlawm

AFC Champions League-ah Mumbai City an tlawm leh ta a, Ningani zan khan UAE club ṭha Al Jazira chu 1-0 in an ngam lo - beisei bo tawp erawh an la ni lo.

Al Jazira tan hian UAE international Ali Mabkhout chuan penalty aṭangin goal awmchhun a khung a, Indian Super League club-in a chhanletna tur an neih loh avangin an tlawm.

Sporting Lisbon winger hlui Abdoulay Diaby chuan Al Jazira tan shot a nei a, hei hian Mehtab Singh-a kut a fuh avangin Mumbai hian penalty an chawi a ni.

Mumbai tan Rahul Bheke chuan penalty an hmuh hmain goal khungna chance nei mah se a chhawr lo a, Diego Mauricio chuan penalty beisei mah se yellow card a hmu thung!

Indian club tan Lallianzuala Chhangte leh Lalengmawia (Apuia) ten an khel tluan a, Lianzuala siamsak chu Mourtada Fall-a'n goal-ah a chantir thei lo a, Apuia'n Bheke a siamsak chu Mumbai fullback hian bar a tih per bawk. Mizo defender Hmingthanmawia (Valpuia) chu bench lamah a awm tluan.

Mumbai hi match thumah vawi hnih an tlawm tawh a, vawi khat an chak thung - match thum khelh tur a la nih avangin beisei erawh a bo lo.